Margarida

Margarida é o nome popular común a unha gran variedade de plantas e flores. En realidade é un termo controvertido. Podería aplicarse só a planta herbácea das compostas (Bellis perennis), de follas dentadas ou fendidas e flores en capítulo, cun botón central amarelo e a corola branca; pero non existe gran concordancia entre os autores en canto á utilización deste nome, que presenta moitas variantes. Hai mesmo quen designa como "margarida" calquera planta da familia das Compositae ou compostas.

É habitual que se consideren margaridas:

• Calquera planta do xénero Bellis, da familia das Compostas, entre as cales destacan:
  • Bellis perennis, a margarida común ou europea.
  • Bellis sylvestris.
  • Bellis annua.
• As camomilas.
• A especie Leucanthemum vulgare ou Chrysanthemum leucanthemum.
• A especie Chrysanthemum frutescens.
• A especie Callistephus chinensis.
• A especie Tibouchina aspera.
• As especies de xerberas (xénero Gerbera spp.).